السلام عليكم و رحمة الله و بركاته
موقع بسمة لكل ما يهم المرأة المغربية يقدم بريوش السبولة بالمراحل المصورة
مقادير و طريق تحضير بريوش السبولة بالمراحل المصورة
من الاخت ام ريان جزاها الله عنا كل خير
مقادير بريوش السبولة
مقادير العجين
2 كيسان الدقيق
2 كيسان الماء دافي
2 معالق كبار خميرة فورية
معلقة صغيرة ملحة
و2 معالق سنيدة
نخلطوا الكل ونخليوه يخمر 10 الدقايق
من بعد كنضيفوا 3 كيسان الدقيق و2 معالق حليب غبرة ونصف كاس الزيت
حشوة بريوش السبولة
كتبقى اختيارية درت خيزوا والكرعة محكوكين والفلفة والبصلة مشلضين والتومة نشحروا الكل في زويتة بلدية
نضيف العطرية الابزار الملح الكامون التحميرة الزعفران البلدي والربيع والهريسة
وفي الاخير نضيف الطون
نسرحوا العجين ونضع الحشوة ونلفوها بحال الشنيك ندهنوها تم نقوم بتشنيفها واعطائها شكل السنبلة الصور تشرح الطريقة
و بالصحة و الراحة
0 commentaires:
إرسال تعليق